Ricardo Pepi, nýjasti leikmaður Augsburg, telur að hann sé klár í að leiða framlínu Bandaríkjanna á HM 2022 í Katar.
Þetta eru ansi stór ummæli fyrir 18 ára gamlan leikmann sem var keyptur til Augsburg frá FC Dallas í janúar.
Pepi kostaði Augsburg 18 milljónir evra en hann skoraði 15 mörk í 55 leikjum fyrir Dallas í MLS-deildinni frá 2019 til 2022.
Pepi er nú þegar orðinn landsliðsmaður Bandaríkjanna en hann á að baki þrjá landsleiki og hefur í þeim skorað þrjú mörk.
„Já ég trúi því að ef ég held áfram að leggja mig fram og sýna mín gæði þá get ég byrjað," sagði Pepi í samtali við ESPN.
„Félagaskiptin sína hversu stórt Dallas horfði á mig og trúna sem Augsburg hefur á mér. Ég vildi gera þetta á þessu ári því ég tel mig vera tilbúinn."
Athugasemdir
