Helsingborgs Dagblad segir frá því að Andri Rúnar Bjarnason sé að ganga í raðir þýska félagsins Kaiserslautern.
Andri Rúnar er 28 ára gamall. Hann gekk í raðir Helsingborg í nóvember 2017 eftir að hafa orðið markakóngur Pepsi-deildarinnar með Grindavík.
Hann jafnaði markametið í Pepsi-deildinni 2017 og í fyrra varð hann markakóngur í sænsku B-deildinni með Helsingborg. Á þessu tímabili hefur hann skorað þrjú mörk í átta leikjum í sænsku úrvalsdeildinni.
Samningur Andra, sem á fimm A-landsleiki fyrir Ísland að baki, við Helsingborg átti að renna út eftir þetta tímabil en hann er núna á leið til Kaiserslautern.
Kaiserslautern er stórt félag í Þýskalandi og hefur félagið fjórum sinnum orðið þýskur meistari, síðast 1998. Liðið leikur í dag í C-deild Þýskaland og hafnaði í níunda sæti á nýliðnu tímabili.
Landsliðsframherjinn Jón Daði Böðvarsson var á mála hjá Kaiserslautern árið 2016.
Sjá einnig:
Miðjan - Öskubuskusaga Andra Rúnars
Skyttekungen lämnar HIF – Med ett halvår kvar på kontraktet säljer HIF Andri Bjarnason. https://t.co/EspQyiGXJq pic.twitter.com/sjJNeao3bT
— HD Sporten (@hd_sporten) June 14, 2019
Athugasemdir