Erik Hamren.
Enski fréttamaðurinn Rob Dorsett bar upp spurningar til Erik Hamren, landsliðsþjálfara Íslands, um enska landsliðið og Jack Grealish á fréttamannafundi Ísland í morgun. Ísland mætir Englandi í Þjóðadeildinni á morgun.
Grealish hefur verið frábær með Aston Villa og komið sterkur inn í enska A-landsliðið.
„Auðvitað hef ég séð hann spila, en ég vil ekki tala of mikið um einstaklinga," sagði Hamren.
„England er með marga góða leikmenn. Hann er auðvitað góður leikmaður; ef þú spilar fyrir England þá ertu auðvitað góður leikmaður."
Dorsett spurði Hamen einnig út í enska landsliðið almennt, hvert hans álit væri á liðinu og hvort að hann telji að liðið geti barist um að vinna EM á næsta ári. England hefur ekki staðið undir væntingum í Þjóðadeildinni og er aðeins með sjö stig eftir fimm leiki.
„Ég hef trú á Englandi. Úrslitin í Þjóðadeildinni eru kannski ekki það sem þeir bjuggust við en það er mikill munur á Þjóðadeildinni og Evrópumótinu. Það er á hreinu. Þetta er líka sérstakt ástand vegna kórónuveirufaraldursins. Ekki dæma þá of mikið. Ég hef mikla trú á að enska liðið verði gott á EM."
Athugasemdir
