Knattspyrnudeild Stjörnunnar er í leit að framkvæmdastjóra og verkefnastjóra fyrir deildina. Umsóknarfrestur fyrir störfin er út mánudaginn 24. febrúar.
Hlutverk framkvæmdastjóra knattspyrnudeildar Stjörnunnar er að tryggja faglega, markvissa og metnaðarfulla starfsemi deildarinnar í samstarfi við öflugt teymi starfsfólks, sjálfboðaliða og stjórn. Framkvæmdastjóri knattspyrnudeildar heyrir beint undir framkvæmdastjóra UMF Stjörnunnar og ber ábyrgð á daglegum rekstri og framkvæmd á stefnu deildarinnar.
Hlutverk verkefnastjóra er að styðja við faglegt starf í samstarfi við öflugt teymi starfsfólks, sjálfboðaliða og stuðningsmanna. Þetta er spennandi og fjölbreytt starf í lifandi umhverfi þar sem reynir á samskipta- og skipulagshæfni, frumkvæði og metnað.
Verkefnastjórinn heyrir beint undir Framkvæmdastjóra knattspyrnudeildar og starfar jafnframt með stjórn knattspyrnudeildar og þjálfarateymum.
Stjarnan hvetur öll áhugasöm, óháð kyni og uppruna, til að sækja um.
Sótt er um störfin á www.vinnvinn.is
Umsóknum skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar ásamt rökstuðningi um færni viðkomandi til að gegna starfinu.
Umsjón með starfinu hafa Hilmar G. Hjaltason ([email protected]) og Garðar Ó. Ágústsson ([email protected]) hjá Vinnvinn.
Athugasemdir
