Ítalska félagið Inter hefur áhuga á því að fá Hector Bellerin og Alex Telles í sumar.
Félagið seldi frá sér Achraf Hakimi til Paris Saint-Germain á dögunum og þarf því að fylla í skarðið fyrir hann en Bellerin, leikmaður Arsenal, er efstur á lista.
Inter vill einnig bæta við sig leikmanni í vinstri bakvarðarstöðuna og er Alex Telles í umræðunni.
Giuseppe Marotta, yfirmaður knattspyrnumála hjá Inter, staðfesti áhugann á þessum tveimur leikmönnum.
Bellerin gæti haft mikinn áhuga á að breyta um umhverfi en það mun reynast erfiðara að sannfæra Telles um að koma til Ítalíu.
Athugasemdir