Ítalía: Sauð upp úr í leikslok þegar Juventus lagði Inter

Inter fékk Juventus í heimsókn í síðasta leik dagsins í ítölsku deildinni. 

Inter hefði með sigri getað endurheimt annað sætið af Lazio sem vann Roma fyrr í dag í miklum hasarleik.

Svipað var upp á teningnum í Milanó borg í kvöld. Filip Kostic sá til þess að Juventus var með 1-0 forystu í hálfleik þegar hann tók þéttingsfast skot sem hafnaði í netinu.

Inter var mun meira með boltann en náði lítið að ógna Wojciech Szczesny í marki Juventus. Leiknum lauk því með 1-0 sigri Juventus.

Það var einhver pirringur í Danilo D'Ambrosio leikmanni Inter sem fékk að líta gula spjaldið undir lok leiksins og þegar dómarinn hafði flautað leikinn af lenti D'Ambrosio upp á kannt við Leandro Paredes sem varð því valdandi að báðir fengu að líta rauða spjaldið.