Roberto Firmino.
Brasilíumaðurinn Roberto Firmino er loksins búinn að skora fyrir Al-Ahli í Sádi-Arabíu eftir langa markaþurrð.
Firmino, eins og margir aðrir, fór til Sádi-Arabíu síðasta sumar og fær hann fyrir það vel greitt. Hann yfirgaf Liverpool eftir mörg góð ár með félaginu.
Firmino byrjaði af krafti með Al-Ahli og skoraði þrennu í sínum fyrsta leik fyrir félagið. Það gerðist í ágúst en síðan þá hafði hann ekki skorað eitt einasta mark. Fyrr en í gær.
Firmino skoraði af vítapunktinum í gær þegar Al-Ahli tapaði fyrir Al Akhdoud.
Þetta var fyrsta tap Al-Ahli síðan í október en liðið er í þriðja sæti deildarinnar í Sádi-Arabíu.
Athugasemdir
