þri 26. janúar 2021 20:49
Guðmundur Aðalsteinn Ásgeirsson
Fyrrum liðsfélagarnir Zlatan og Lukaku rifust heiftarlega
Mynd: Getty Images
Núna er í gangi leikur nágrannaliðanna AC Milan og Inter í 8-liða úrslitum ítalska bikarsins.

Staðan í hálfleik er 1-0 fyrir Milan og var það Zlatan Ibrahimovic - hver annar - sem skoraði markið.

Þegar flautað var til hálfleiks sauð upp úr á vellinum. Zlatan og Romelu Lukaku, fyrrum liðsfélagarnir hjá Manchester United, voru reiðir við hvorn annan og það þurfti að aðskilja þá.

Lukaku varð bálreiður út af einhverju sem Zlatan sagði. Hann varð verulega reiður og bölvaði bæði Zlatan og eiginkonu hans. Ekki er vitað nákvæmlega hvað Zlatan sagði til að gera Lukaku svona reiðan, en svo virðist sem það hafi verið eitthvað tengt móður Lukaku.


Athugasemdir
banner
banner
banner
banner