Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 27. október 2020 10:05
Elvar Geir Magnússon
Rudiger úr frystinum - Mustafi á förum
Powerade
Antonio Rudiger, varnarmaður Chelsea.
Antonio Rudiger, varnarmaður Chelsea.
Mynd: Getty Images
David Moyes.
David Moyes.
Mynd: Getty Images
Rudiger, Mustafi, Townsend, Rose og fleiri í slúðurpakkanum þennan þriðjudaginn. BBC tók saman.

Frank Lampard, stjóri Chelsea, er tilbúinn að setja Antonio Rudiger (27) aftur inn í sínar áætlanir eftir að hafa fundað með honum undir fjögur augu. Þýski miðvörðurinn hefur verið úti í kuldanum og orðaður við Tottenham og Paris St-Germain. (Mail)

Þýski varnarmaðurinn Shkodran Mustafi (28) hafnaði tilboði frá Arsenal um framlengingu í sumar og hefur tilkynnt félaginu að hann hyggist fara annað þegar samningur hans rennur út eftir tímabilið. (Football London)

Mikel Arteta, stjóri Arsenal, og Edu, yfirmaður fótboltamála, voru ekki sammála um kaupin á Thomas Partey (27) frá Atletico Madrid. Arteta vildi frekar fá Houssem Aouar (22) frá Lyon. (L'Equipe)

Liverpool hefur engan áhuga á því að fá Ozan Kabak (20), varnarmann Schalke, og félagið botnar ekki í umfjöllun um meintan áhuga félagsins á tyrkneska landsliðsmanninum. (Liverpool Echo)

Crystal Palace hefur hafið viðræður við enska vængmanninn Andros Townsend (29) um nýjan samning. West Brom reyndi að fá leikmanninn í sumar. (Football Insider)

Tottenham vonast til að komast að samkomulagi við Danny Rose (30) um riftun á samningi en bakvörðurinn vill fá þær 2,5 milljónir punda sem hann á eftir af samningi sínum sem rennur út í júní. (Football Insider)

Leikmenn West Ham vilja að David Moyes fái framlengingu á samningi sínum. Forráðamenn félagsins gætu beðið með ákvörðun þar sem þeir eru ekki sannfærðir um að West Ham nái að forðast fallbaráttu. (Mail)

Samuel Umtiti (26), franski miðvörðurinn hjá Barcelona, segir ekkert til í þeim sögum að hann sé á leið til Arsenal. (Canal+)

Íþróttaráðherra Ítalíu, Vincenzo Spadafora, segir að verið sé að rannsaka hvort Cristiano Ronaldo (35) hafi snúið aftur til Ítalíu eftir að hafa verið greindur með Covid-19 og þannig brotið sóttvarnalög. (Star)

Enski miðjumaðurinn Henri Lansbury (30) hefur hafnað tilboði frá Aston Villa um að samningi hans verði rift. (Athletic)

Pep Guardiola reyndi að kaupa sóknarmann í sumarglugganum en fann ekki rétta kostinn. (Manchester Evening News)

Michael Essien, fyrrum miðjumaður Chelsea, telur að Frank Lampard muni finna réttu formúluna á Stamford Bridge eftir óstöðugleika í upphafi tímabils. (London Evening Standard)
Athugasemdir
banner
banner
banner