Ítalski bikarinn: Darmian hetja Inter

Átta liða úrslitin í ítalska bikarnum hófust í kvöld með einum leik. Inter fékk Atalanta í heimsókn.

Inter var með nokkra yfirburði í fyrri hálfleik en náði þó ekki að skapa sér nein alvöru færi. Staðan markalaus í hálfleik.

Áfram gekk báðum liðum illa að ógna marki í síðari hálfleik en það var þó á 57. mínútu þegar Matteo Darmian skoraði fyrir Inter eina mark leiksins og tryggði liðinu því farseðilinn í undanúrslit.

Þar mætir liðið sigurvegaranum í viðureign Lazio og Juventus.