„Afturelding byrjaði betur í leiknum og náði að setja ágæta pressu á okkur í fyrri hálfleik en eftir að við skoruðum fyrsta markið jafnaðist leikurinn. Í seinni hálfleik vorum við svo þéttir og kláruðum leikinn með seinna markinu, þó svo að Afturelding hafi heilt yfir verið meira með boltann í leiknum."

ÍR-ingum hefur mistekist undanfarin ár að komast upp úr 2. deildinni en eru í góðri stöðu á toppnum þegar mótið er hálfnað. Þeir eru í toppsætinu, fimm stigum fyrir ofan þriðja sætið. Hver er munurinn á ÍR í ár og í fyrra?

„Stærsti munurinn er að hópurinn er stærri og jafnari heldur en hann var í fyrra. Það er mikil samkeppni um allar stöður í liðinu og menn þurfa því að standa sig ef þeir vilja komast í liðið. Einnig eru allir orðnir árinu eldri og komnir með meiri reynslu, hvort sem það eru leikmenn, þjálfarar eða Eyjó liðsstjóri," segir Björn Anton sem býst við spennandi keppni í deildinni.

„Ég get ekki séð að það verði einhver lið sem stingi af í deildinni og held að hún verði nokkuð jöfn alveg til loka. Eins og þetta lítur út í dag eru 5-6 lið sem eiga raunhæfan möguleika á því að komast upp ásamt því að deildin í ár virðist vera jafnari heldur en í fyrra og fleiri góð lið í deildinni."

ÍR er með 25 stig en á fimmtudaginn heimsækir liðið Gróttu sem er í öðru sæti með 22 stig.

„Mér líst mjög vel á leikinn gegn Gróttu sem verður hörkuleikur tveggja góðra liða. Við skuldum sjálfum okkur góðan leik á móti þeim eftir að hafa tapað í fyrsta leik á heimavelli gegn þeim og ætlum okkur því sigur á fimmtudaginn," segir Björn Anton Guðmundsson.

Sjá einnig:
Bestur í 10. umferð - Jón Gísli Ström (ÍR)
Bestur í 9. umferð - Sergina Modou Fall (Vestri)
Bestur í 8. umferð - Einar Bjarni Ómarsson (KV)
Bestur í 7. umferð - Duje Klaric (Sindri)
Bestur í 5. umferð - Stefán Ari Björnsson (Grótta)
Bestur í 4. umferð - Nik Chamberlain (Afturelding)
Bestur í 3. umferð - Hafsteinn Gísli Valdimarsson (Njarðvík)
Bestur í 2. umferð - Viktor Örn Guðmundsson (KV)
Bestur í 1. umferð - Viktor Smári Segatta (Grótta)