King í þjálfarateymi Tottenham

Tottenham hefur tilkynnt að Ledley King sé kominn í þjálfarateymi Jose Mourinho hjá félaginu.

King mun meðal annars sjá um að ungir leikmenn sem banka á dyr aðalliðsins fái þann stuðning sem þeir þurfa.

King er 39 ára og lagði skóna á hilluna 2012. Hann gerðist þá sendiherra félagsins.

„Ég er gríðarlega ánægður með að fá Ledley í teymið fyrir nýtt tímabil. Hann er með gríðarlega mikla tengingu inn í félagið og til stuðningsmanna. Við vonumst til að nota reynslu hans og innsæi til að gera okkar starf enn betra," segir Mourinho.