Þór sótti 3 góða punkta í dramatískum leik á Grenivík í dag þegar þeir lögðu Magna 2-1. Ármann Pétur, fyrirliði Þórsara var skiljanlega sáttur með stigin 3.

„Við fáum a okkur mark en við héldum áfram að spila og fórum ekki í neitt panikk þó það væri stutt eftir og við bara uppskárum eftir því."

Magna menn fengu rautt spjald rétt eftir að hafa komist yfir og sagði Manni að hann hefði alltaf haft trú á sigri í dag.

„Ég hef alltaf trú og þetta lið hefur alltaf trú og við höfum sýnt það í síðustu leikjum að við höfum trú fram í rauðan dauðann."