Efnahagsreikningur Víkings í betra standi en hjá FC Thun
Víkingur laut í lægra haldi í fyrri leik liðanna ytra.
Mynd: EPA
Víkingur laut í lægra haldi í fyrri leik liðanna ytra.
Mynd: EPA
Í dag spilar Víkingur seinni leik sinn við FC Thun í þriðju umferð forkeppni Sambandsdeildarinnar. Fyrri leikur liðanna fór fram í Sviss í síðustu viku þar sem FC Thun sigraði með þremur mörkum gegn engu. Liðin mættast svo aftur í kvöld í Fossvoginum.
Þessi frétt er hluti af pistli sem birtist 9. ágúst á áskriftarvef Fótbolti.net. Pistilinn í heild sinni er hægt að nálgast hér fyrir neðan, boðið er upp á ókeypis viku áskrift gegn skráningu.
Smelltu hér til að skrá þig í fría viku og lesa pistilinn í heild sinni.
Þegar litið er á efnahagsreikninginn má sjá að eignir FC Thun eru rúmlega tvöfalt meiri en eignir Víkings. Stærsti hluti eigna FC Thun er handbært fé sem stóð í 522 milljónum króna í árslok og er hátt í tveir þriðjungshlutar af eignum FC Thun. Ef veltufjárhlutfallið er hins vegar skoðað má sjá að það er töluvert betra hjá Víkingum þar sem það er 966% samanborið við 144% hjá FC Thun.
Þá voru skuldir FC Thun margfalt hærri en hjá Víkingi. Skuldir FC Thun stóðu í 1.275 milljónum króna en hjá Víkingi námu skuldir 33 milljónum króna. Ef við beinum sjónum okkar að skuldahlutfallinu þá var það verulega lágt hjá Víkingi, rétt tæplega 8%, en hjá FC Thun var það 145%.
Einnig er töluverður munur á eigin fé liðanna. Hjá Víkingi var það jákvætt um 394 milljónir króna en hjá FC Thun var það neikvætt um 394 milljónir króna.
