Lærisveinar Ejub Purisevic eru komnir áfram í undanúrslit Mjólkurbikarsins eftir sigur Ólafsvíkinga á nöfnum sínum frá Reykjavík í Víkinni í kvöld en lokatölur urðu 0-1.
Lestu um leikinn: Víkingur R. 0 - 1 Víkingur Ó.
„Mér fannst við allann tímann vel skipulagðir og agaðir í okkar leik. Við vissum allan tímann hvað við værum að gera hvað við vildum gera . Fyrri hálfleikur var erfiður en mér fannst seinni hálfleikur jafn og þetta var í rauninni bara 50-50 leikur. Við vissum að við fengjum opnanir og þegar allt kemur til alls var sigurinn bara sanngjarn.“
Ejub þurfti að gera breyrtingar á sínu liði vegna meiðsla og leikbanna en þeir sem komu inn stóðu sig vel, Ejub hlýtur að vera ánægður með það?
„Ég hef oft sagt það, hver einasti leikmaður sem spilar fyrir mitt lið leggur sig allan fram og ég er alltaf ánægður með mína leikmenn því ég veit þeir gefa alltaf 100%.“
Eftir um stundarfjórðungs leik virtist Fran Marmolejo markmaður Ólafsvikur meiðast töluvert illa eftir eitthvað sem virtist sakleysislegt samstuð. Hann hélt þó áfram leik en augljóst var að hann gekki ekki heill til skógar. Vissi Ejub eitthvað meira um hans meiðsli?
„Við vorum í hálfleik að reyna hjálpa honum og hann fékk högg en nær að klára leikinn. En hver staðan er á honum og hvernig hann verður á morgun það verður bara að koma í ljós.“
Sagði Ejub Purisevic en nánar er rætt við hann í spilararnum hér að ofan,.
Athugasemdir