Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 19. ágúst 2019 21:39
Arnar Helgi Magnússon
Albert skoraði fyrir varalið AZ Alkmaar
Mynd: Fótbolti.net - Hafliði Breiðfjörð
Albert Guðmundsson skoraði fyrir varalið AZ Alkmaar þegar liðið mætti Excelsior í hollensku 1. deildinni í kvöld.

Elías Már Ómarsson spilar með Excelsior en hann byrjaði á varamannabekknum en kom inná þegar stundarfjórðungur var eftir af leiknum.

Albert hefur fengið afar fá tækifæri með aðalliði AZ Alkmaar á leiktíðinni en hann hefur komið við sögu í einum leik af þremur í deildinni.

Leiknum lauk með 2-1 sigri Excelsior en mark Alberts kom af vítapunktinum þegar rúmar tuttugu mínútur voru til leiksloka.

Varalið AZ er með tvö stig eftir tvo leiki í 1. deildinni á meðan Excelsior hefur unnið báða sína leiki.
Athugasemdir
banner
banner
banner
banner