Salah hitti Game of Thrones stjörnu

Mohamed Salah, stjarna Liverpool, er formlega kominn í hóp með ríka og fræga fólkinu en hann var í New York í gærkvöldi og fagnaði því að vera á lista Time tímaritsins yfir 100 áhrifamestu einstaklinga í heiminum.

Salah spjallaði meðal annars við Rami Malek sem fékk Óskarsverðlaun á þessu ári fyrir túlkun sína á Freddie Mercury í kvikmyndinni Bohemian Rhapsody.

Salah og Emilia Clarke voru mynduð saman en Emilia leikur drekadrottninguna Daenerys Targaryen í Game of Thrones þáttunum vinsælu.