31.07.25 - 16:10
Fótbolti.net
Lið og leikmaður 15. umferðar - Lánsmanninum frá KR líkt við Busquets
Hrafn í nýju treyjunni
Mynd: Hrafn Tómasson
ÍR-ingar tróna á toppnum.
Mynd: Fótbolti.net - Hafliði Breiðfjörð
Njarðvíkingar eru í öðru sæti.
Mynd: Fótbolti.net - Hafliði Breiðfjörð
Hrafn í nýju treyjunni
Mynd: Hrafn Tómasson
ÍR vann Selfoss í 15. umferð Lengjudeildarinnar og er enn á toppnum. Öll liðin í efri hlutanum unnu sína leiki í þessari umferð, fyrir utan HK sem tapaði fyrir Njarðvík í stórleik umferðarinnar.
LEIKMAÐUR UMFERÐARINNAR:
Hrafn Tómasson, eða Krummi eins og hann er kallaður, hefur komið hrikalega öflugur inn á miðjuna í liði Þróttar en hann kom á láni frá KR núna í sumarglugganum. - „Hann er ótrúlega öruggur í spilinu, veit nákvæmlega hvar hann á að vera á vellinum og hvað kemur næst. Það er hrein unun að horfa á hann spila," skrifaði Alexander Tonini, fréttamaður Fótbolta.net, í skýrslu um 2-1 sigur Þróttar gegn Fylki. Krummi er kominn í gang eftir að hafa slitið krossbönd í fyrra.
LEIKMAÐUR UMFERÐARINNAR:
Hrafn Tómasson, eða Krummi eins og hann er kallaður, hefur komið hrikalega öflugur inn á miðjuna í liði Þróttar en hann kom á láni frá KR núna í sumarglugganum. - „Hann er ótrúlega öruggur í spilinu, veit nákvæmlega hvar hann á að vera á vellinum og hvað kemur næst. Það er hrein unun að horfa á hann spila," skrifaði Alexander Tonini, fréttamaður Fótbolta.net, í skýrslu um 2-1 sigur Þróttar gegn Fylki. Krummi er kominn í gang eftir að hafa slitið krossbönd í fyrra.
TENGT EFNI
„Elska Þrótt út af lífinu og það yrði mjög erfið ákvörðun að fara frá þeim"
Kári Kristjánsson er einnig í liði umferðarinnar en hann skoraði fyrra mark Þróttar í leiknum. Í viðtali eftir leik líkti Kári svo Krumma liðsfélaga sínum við Sergio Busquets. Þróttur er í þriðja sæti deildarinnar.
Guðjón Máni Magnússon skoraði eina markið á Selfossi þar sem ÍR-ingar fóru til baka yfir heiðina með öll stigin. ÍR er með eins stigs forystu á Njarðvík sem vann 3-0 sigur gegn HK.
Aron Snær Friðriksson markvörður var maður leiksins gegn HK og þá voru Arnleifur Hjörleifsson og Oumar Diouck meðal markaskorara og eru báðir í liði umferðarinnar. Þá er Gunnar Heiðar Þorvaldsson þjálfari umferðarinnar.
Varnarmaðurinn Yann Emmanuel Affi var valinn maður leiksins þegar Þór vann 2-0 sigur gegn Grindavík. Ibrahima Balde er einnig í liði umferðarinnar.
Kári Sigfússon skoraði fyrra mark Keflavíkur sem vann 2-0 útisigur gegn botnliði Leiknis. Axel Ingi Jóhannesson var flottur í bakverðinum hjá Keflavík. Spánverjinn Inigo Albizuri var mjög öflugur í vörn Völsungs sem gerði 1-1 jafntefli gegn Fjölni.
Fyrri úrvalslið:
14. umferð - Jakob Héðinn Róbertsson (Völsungur)
13. umferð - Einar Freyr Halldórsson (Þór)
12. umferð - Dagur Orri Garðarsson (HK)
11. umferð - Dominik Radic (Njarðvík)
10. umferð - Bergvin Fannar Helgason (ÍR)
9. umferð - Dagur Orri Garðarsson (HK)
8. umferð - Óðinn Bjarkason (ÍR)
7. umferð - Ármann Ingi Finnbogason (Grindavík)
6. umferð - Ívar Arnbro Þórhallsson (Völsungur)
5. umferð - Jóhann Þór Arnarsson (HK)
4. umferð - Elfar Árni Aðalsteinsson (Völsungur)
3. umferð - Gabríel Aron Sævarsson (Keflavík)
2. umferð - Ibrahima Balde (Þór)
1. umferð - Gabríel Aron Sævarsson (Keflavík)
ÍR-ingar tróna á toppnum.
Mynd: Fótbolti.net - Hafliði Breiðfjörð
Njarðvíkingar eru í öðru sæti.
Mynd: Fótbolti.net - Hafliði Breiðfjörð
