Dagur Orri Garðarsson er leikmaður umferðarinnar.
Amin Cosic er í fjórða sinn í liðinu.
Aron Snær Ingason.
Hemmi Hreiðars er þjálfari umferðarinnar.
Spennan í Lengjudeildinni heldur bara áfram að aukast en topplið ÍR tapaði gegn 1-2 heima gegn HK í tólftu umferðinni. Njarðvík gerði jafntefli 1-1 gegn Völsungi og mistókst að hrifsa toppsætið.
LEIKMAÐUR UMFERÐARINNAR:
Dagur Orri Garðarsson, lánsmaðurinn frá Stjörnunni, skoraði bæði mörk HK í sigrinum gegn ÍR. Hann er markahæstur í deildinni með 10 mörk. - „Dagur ótrúlegur, þarf bara að sjá markið og hann skorar. Greinilega nautsterkur líkamlega, líkt og sást í fyrra markinu," skrifaði Kári Snorrason, fréttamaður Fótbolta.net, um frammistöðu Dags í leiknum.
LEIKMAÐUR UMFERÐARINNAR:
Dagur Orri Garðarsson, lánsmaðurinn frá Stjörnunni, skoraði bæði mörk HK í sigrinum gegn ÍR. Hann er markahæstur í deildinni með 10 mörk. - „Dagur ótrúlegur, þarf bara að sjá markið og hann skorar. Greinilega nautsterkur líkamlega, líkt og sást í fyrra markinu," skrifaði Kári Snorrason, fréttamaður Fótbolta.net, um frammistöðu Dags í leiknum.
Dagur Orri Garðarsson HK fékk hann bara.
— Máni Pétursson (@Manipeturs) July 11, 2025
HK er fyrsta lið deildarinnar til að leggja ÍR í sumar og Kópavogsliðið er einu stigi frá toppsætinu eftir sigurinn. Hermann Hreiðarsson er þjálfari umferðarinnar og þá er markvörðurinn Ólafur Örn Ásgeirsson í liði umferðarinnar.
Amin Cosic, sem gengur í raðir KR í glugganum, var maður leiksins í 1-1 jafnteflinu á Húsavík. Mark Njarðvíkur kom eftir magnaðan undirbúning hans. Elvar Baldvinsson steig varla feilspor í vörn Njarðvíkur og skoraði jöfnunarmarkið.
Aron Snær Ingason skoraði fyrsta markið og átti líka mjög stóran þátt í öðru markinu þegar Þróttur vann 3-2 sigur á Keflavík. Heldur betur dýrmæt stig fyrir Þróttara sem fóru upp í fjórða sæti. Kári Kristjánsson hefur jafnað sig eftir veikindi, kom inn af bekknum og lagði upp og skoraði.
Þórsarar eru í fimmta sæti eftir að hafa unnið 2-0 sigur gegn botnliði Leiknis í Boganum. Ungir leikmenn Þórs skinu skært í leiknum og tveir fæddir 2008 eru í úrvalsliðinu; Ásbjörn Líndal Arnarsson og Einar Freyr Halldórsson.
Eftir erfiðar vikur þá beit Grindavík frá sér og vann 3-2 endurkomusigur á útivelli gegn Fjölni. Ingi Þór Sigurðsson var besti maður vallarins að mati fréttaritara Fótbolta.net.
Hrakfarir Fylkis halda áfram en liðið tapaði 3-1 á Selfossi. Reynir Freyr Sveinsson var besti maður vallarins og Jón Vignir Pétursson átti virkilega góðan leik á miðjunni. Selfyssingar í stuði á Kótelettunni.
Fyrri úrvalslið:
11. umferð - Dominik Radic (Njarðvík)
10. umferð - Bergvin Fannar Helgason (ÍR)
9. umferð - Dagur Orri Garðarsson (HK)
8. umferð - Óðinn Bjarkason (ÍR)
7. umferð - Ármann Ingi Finnbogason (Grindavík)
6. umferð - Ívar Arnbro Þórhallsson (Völsungur)
5. umferð - Jóhann Þór Arnarsson (HK)
4. umferð - Elfar Árni Aðalsteinsson (Völsungur)
3. umferð - Gabríel Aron Sævarsson (Keflavík)
2. umferð - Ibrahima Balde (Þór)
1. umferð - Gabríel Aron Sævarsson (Keflavík)
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 12 | 7 | 4 | 1 | 21 - 8 | +13 | 25 |
| 2. Njarðvík | 12 | 6 | 6 | 0 | 30 - 12 | +18 | 24 |
| 3. HK | 12 | 7 | 3 | 2 | 24 - 13 | +11 | 24 |
| 4. Þróttur R. | 12 | 6 | 3 | 3 | 23 - 20 | +3 | 21 |
| 5. Þór | 12 | 6 | 2 | 4 | 28 - 19 | +9 | 20 |
| 6. Keflavík | 12 | 5 | 3 | 4 | 25 - 18 | +7 | 18 |
| 7. Grindavík | 12 | 4 | 2 | 6 | 28 - 36 | -8 | 14 |
| 8. Völsungur | 12 | 4 | 2 | 6 | 18 - 27 | -9 | 14 |
| 9. Fylkir | 12 | 2 | 4 | 6 | 16 - 20 | -4 | 10 |
| 10. Selfoss | 12 | 3 | 1 | 8 | 13 - 25 | -12 | 10 |
| 11. Fjölnir | 12 | 2 | 3 | 7 | 14 - 27 | -13 | 9 |
| 12. Leiknir R. | 12 | 2 | 3 | 7 | 12 - 27 | -15 | 9 |
Athugasemdir
