LEIKMAÐUR UMFERÐARINNAR:
KA maðurinn Ívar Arnbro Þórhallsson átti frábæran leik í marki Völsungs gegn Þór. Var virkilega öruggur á milli stanganna og ekki verri í því að koma út og grípa inn í. Mjög sannfærandi frammistaða hjá þessum efnilega markmanni sem fæddur er 2006 sem er á láni hjá Völsungi frá KA.



Völsungur fór í Bogann og vann þar sanngjarnan sigur gegn Þór í gærkvöldi. Fyrirliðinn Arnar Pálmi Kristjánsson var frábær í leiknum og Xabier Cardenas lagði upp tvö mörk. Aðalsteinn Jóhann Friðriksson er þjálfari umferðarinnar en Völlarar hafa komið á óvart í sumar.

ÍR skellti sér á topp deildarinnar með sigri gegn Þrótti á heimavelli en þar voru Ágúst Unnar Kristinsson og Arnór Sölvi Harðarson bestir í liði ÍR-inga.

Leiknir lagði Fylki í fyrsta leik Gústa Gylfa við stjórnvölinn. Djordje Vladisavljevic var bestur í liði Leiknis og Axel Freyr Harðarson var einnig góður.

Jóhann Þór Arnarsson hefur þá verið frábær hjá HK í sumar og hann var mjög góður í sigri gegn Selfossi í gær. Aron Kristófer Lárusson var flottur í vörninni hjá HK en það má með sanni segja að lið umferðarinnar sé frekar varnarsinnað í þetta sinn.

Arnleifur Hjörleifsson, vinstri bakvörður Njarðvíkur, er á vinstri kantinum í liði umferðarinnar og Brynjar Gauti Guðjónsson, varnarmaður Fjölnis, kemst einnig í liðið eftir 1-1 jafntefli Njarðvíkur og FJölnis í gær.

Fyrri úrvalslið:
5. umferð - Jóhann Þór Arnarsson (HK)
4. umferð - Elfar Árni Aðalsteinsson (Völsungur)
3. umferð - Gabríel Aron Sævarsson (Keflavík)
2. umferð - Ibrahima Balde (Þór)
1. umferð - Gabríel Aron Sævarsson (Keflavík)