Ibrahima Balde var hrikalega öflugur gegn Leikni.
Rafael Máni skoraði tvö í Grindavík.
Ekkert lið er með fullt hús í Lengjudeildinni að loknum tveimur umferðum. Það var tilfinningarík stund í Grindavík þegar leikið var í bænum í fyrsta sinn í um átján mánuði. Fjölnir kom í heimsókn og niðurstaðan varð 3-3 í stórskemmtilegum leik.
Dómnefnd Fótbolta.net hefur valið úrvalslið 2. umferðar Lengjudeildarinnar en það var strembið verk enda margir sóknarsinnaðir leikmenn sjóðheitir.
LEIKMAÐUR UMFERÐARINNAR:
Ibrahima Balde var gríðarlega öflugur við erfiðar aðstæður þegar Þór vann 4-1 útisigur gegn Leikni í Breiðholtinu. Éljagangur og hávaðarok voru stóran hluta leiksins en Þorpararnir voru klárir í baráttuna með Balde sem lykilmann. Hann átti tvær stoðsendingar.
Dómnefnd Fótbolta.net hefur valið úrvalslið 2. umferðar Lengjudeildarinnar en það var strembið verk enda margir sóknarsinnaðir leikmenn sjóðheitir.
LEIKMAÐUR UMFERÐARINNAR:
Ibrahima Balde var gríðarlega öflugur við erfiðar aðstæður þegar Þór vann 4-1 útisigur gegn Leikni í Breiðholtinu. Éljagangur og hávaðarok voru stóran hluta leiksins en Þorpararnir voru klárir í baráttuna með Balde sem lykilmann. Hann átti tvær stoðsendingar.
Sigfús Fannar Gunnarsson skoraði tvívegis, Orri Sigurjónsson er einnig í liði umferðarinnar og Sigurður Heiðar Höskuldsson er þjálfari umferðarinnar.
Njarðvík er á toppi deildarinnar á markatölu eftir 5-1 sigur gegn Völsungi. Oumar Diouck var maður leiksins með tvö mörk og stoðsendingu. Dominik Radic skoraði og lagði upp.
Pablo Aguilera Simon skoraði annað mark Fylkis í 2-0 sigri gegn Selfossi. Ragnar Bragi Sveinsson er einnig í liði umferðarinnar.
Marc McAusland varnarmaður ÍR skoraði í 1-1 jafntefli gegn HK í Kórnum og Þróttur vann gríðarlega öflugan 1-0 útisigur gegn Keflavík. Þórhallur Ísak Guðmundsson og Eiríkur Þorsteinsson Blöndal eru fulltrúar Þróttar í liðinu.
Þá er Rafael Máni Þrastarson í liði umferðarinnar eftir 3-3 jafntefli Fjölnis gegn Grindavíkur. Rafael skoraði tvívegis og komst nálægt þrennunni.
Fyrri úrvalslið:
1. umferð - Gabríel Aron Sævarsson (Keflavík)
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Njarðvík | 2 | 1 | 1 | 0 | 6 - 2 | +4 | 4 |
| 2. Þór | 2 | 1 | 1 | 0 | 5 - 2 | +3 | 4 |
| 3. Fylkir | 2 | 1 | 1 | 0 | 3 - 1 | +2 | 4 |
| 4. ÍR | 2 | 1 | 1 | 0 | 2 - 1 | +1 | 4 |
| 5. Þróttur R. | 2 | 1 | 1 | 0 | 2 - 1 | +1 | 4 |
| 6. Keflavík | 2 | 1 | 0 | 1 | 3 - 2 | +1 | 3 |
| 7. Selfoss | 2 | 1 | 0 | 1 | 2 - 3 | -1 | 3 |
| 8. HK | 2 | 0 | 2 | 0 | 2 - 2 | 0 | 2 |
| 9. Grindavík | 2 | 0 | 1 | 1 | 4 - 5 | -1 | 1 |
| 10. Fjölnir | 2 | 0 | 1 | 1 | 4 - 6 | -2 | 1 |
| 11. Leiknir R. | 2 | 0 | 1 | 1 | 2 - 5 | -3 | 1 |
| 12. Völsungur | 2 | 0 | 0 | 2 | 1 - 6 | -5 | 0 |
Athugasemdir
