Bergvin Fannar Helgason er leikmaður umferðarinnar.
Ibrahima Balde fór mikinn í Grafarvoginum.
Aron Birkir stendur í rammanum.
Eins og oft áður er lið umferðarinnar í Lengjudeildinni ansi sóknarsinnað enda voru margir leikmenn á skotskónum í 10. umferð deildarinnar. ÍR-ingum héldu engin bönd gegn Grindavík og þeir unnu 6-1 sigur og halda toppsætinu.
LEIKMAÐUR UMFERÐARINNAR:
Hinn stóri og stæðilegi Bergvin Fannar Helgason er leikmaður umferðarinnar. Þrenna í húsi og tvær stoðsendingar að auki frá fremsta manni ÍR. - „Já, það er erfitt að stoppa okkur í föstum leikatriðum. Sjáðu líka hæðina í þessu liði, meðalhæðin er 1,95, það á enginn séns í okkur maður," sagði Bergvin meðal annars í viðtali eftir leik.
LEIKMAÐUR UMFERÐARINNAR:
Hinn stóri og stæðilegi Bergvin Fannar Helgason er leikmaður umferðarinnar. Þrenna í húsi og tvær stoðsendingar að auki frá fremsta manni ÍR. - „Já, það er erfitt að stoppa okkur í föstum leikatriðum. Sjáðu líka hæðina í þessu liði, meðalhæðin er 1,95, það á enginn séns í okkur maður," sagði Bergvin meðal annars í viðtali eftir leik.
Jóhann Birnir Guðmundsson er þjálfari umferðarinnar og þeir Marc McAusland og Víðir Freyr Ívarsson, sem skoraði tvö mörk, eru einnig í liði umferðarinnar.
ÍR-ingar eru enn taplausir og það sama á við um Njarðvíkinga sem eru í öðru sæti. Njarðvík vann þrusuflottan sigur gegn Keflavík í grannaslag. Oumar Diouck lagði upp fyrsta mark Njarðvíkinga og skoraði svo annað markið. Valdimar Jóhannsson og Kenneth Hogg voru einnig virkilega góðir í leiknum.
Þróttur og HK gerðu 2-2 jafntefli og sömu úrslit urðu hjá Selfyssingum og Leiknismönnum. Á Selfossi skoraði Aron Fannar Birgisson tvö mörk fyrir heimamenn og var valinn maður leiksins.
Fylkir vann nauðsynlegan 4-1 útisigur gegn Grindavík þar sem reynsluboltarnir Emil Ásmundsson og Ragnar Bragi Sveinsson fá sæti í úrvalsliðinu en Emil var meðal markaskorara Árbæinga.
Aron Birkir Stefánsson var eini markvörðurinn sem hélt hreinu en Þór slátraði Fjölni 5-0 í Grafarvoginum. Ibrahima Balde skoraði þrennu og var maður leiksins en Aron Ingi Magnússon átti einnig mjög góðan leik.
Fyrri úrvalslið:
9. umferð - Dagur Orri Garðarsson (HK)
8. umferð - Óðinn Bjarkason (ÍR)
7. umferð - Ármann Ingi Finnbogason (Grindavík)
6. umferð - Ívar Arnbro Þórhallsson (Völsungur)
5. umferð - Jóhann Þór Arnarsson (HK)
4. umferð - Elfar Árni Aðalsteinsson (Völsungur)
3. umferð - Gabríel Aron Sævarsson (Keflavík)
2. umferð - Ibrahima Balde (Þór)
1. umferð - Gabríel Aron Sævarsson (Keflavík)
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þór | 22 | 14 | 3 | 5 | 51 - 31 | +20 | 45 |
| 2. Njarðvík | 22 | 12 | 7 | 3 | 50 - 25 | +25 | 43 |
| 3. Þróttur R. | 22 | 12 | 5 | 5 | 43 - 37 | +6 | 41 |
| 4. HK | 22 | 12 | 4 | 6 | 46 - 29 | +17 | 40 |
| 5. Keflavík | 22 | 11 | 4 | 7 | 53 - 39 | +14 | 37 |
| 6. ÍR | 22 | 10 | 7 | 5 | 38 - 27 | +11 | 37 |
| 7. Völsungur | 22 | 7 | 4 | 11 | 36 - 52 | -16 | 25 |
| 8. Fylkir | 22 | 6 | 5 | 11 | 34 - 32 | +2 | 23 |
| 9. Leiknir R. | 22 | 6 | 5 | 11 | 24 - 40 | -16 | 23 |
| 10. Grindavík | 22 | 6 | 3 | 13 | 38 - 61 | -23 | 21 |
| 11. Selfoss | 22 | 6 | 1 | 15 | 25 - 44 | -19 | 19 |
| 12. Fjölnir | 22 | 3 | 6 | 13 | 32 - 53 | -21 | 15 |
Athugasemdir
