„Mér fannst við eiga vinna leikinn eftir við jöfnum. Þeir refsa ef þú gerir ein mistök," sagði Viðar við Stöð 2 Sport.

Selfyssingurinn kom inn á sem varamaður í seinni hálfleik og skoraði jöfnunarmark Íslands. Hann var spurður hvaða skilaboð hann hefði fengið frá þjálfurunum.

„Bara berjast, reyna að skora og vera líflegur. Mér fannst við gera það, við vorum mjög flottir og vorum að pressa vel á þá."

„Þegar maður kemur inn á sem varamaður er ekki alltaf öruggt að maður skori, en ég fékk frábæran bolta frá Ara og kláraði vel. Ég hefði líka getað sent boltann. Það er frábært að skora, en ég hefði alla vega viljað fá jafntefli."

Hér að neðan má sjá mark Viðars í kvöld.