Lið 9. umferðar - Valgeir og Valdimar í þriðja sinn

Stjörnumaðurinn Haraldur Björnsson er í markinu eftir 1-1 jafntefli gegn Víkingi og Heiðar Ægisson, sem lék sem vinstri bakvörður hjá Garðbæingum, er í úrvalsliðinu aðra umferðina í röð.

FH vann nauman 2-1 sigur á Gróttu þar sem Steven Lennon kom til bjargar og skoraði sigurmarkið. Ástbjörn Þórðarson, hægri bakvörður Gróttu, kemst í einnig í úrvalsliðið.

Valur vann Fjölni þar sem Aron Bjarnason og Kristinn Freyr Sigurðsson voru bestu menn. Mikkel Qvist hjá KA kemst í liðið eftir markalaust jafntefli Akureyringa gegn KR.

Þá vann Fylkir endurkomusigur gegn HK. Valdimar Þór Ingimundarson tryggði Fylki sigur og Valgeir Valgeirsson skoraði bæði mörk HK. Valdimar og Valgeir eru báðir valdir í úrvalsliðið í þriðja sinn.

Sjá einnig:
Lið 8. umferðar
Lið 7. umferðar
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar