KR-ingar eru ríkjandi í úrvalsliði Fótbolta.net og Domino's eftir fyrstu umferð Pepsi Max-deildar karla. KR vann Val í opnunarleiknum og stórleik umferðarinnar 1-0.
Fyrirliðinn Óskar Örn Hauksson skoraði eina markið og var valinn maður leiksins. Markvörðurinn Beitir Ólafsson stóð undir gælunafninu 'haförninn', Kennie Chopart var frábær í bakverðinum og Arnþór Ingi Kristinsson mikilvægur á miðjunni. Það er svo við hæfi að Rúnar Kristinsson hljóti nafnbótina þjálfari umferðarinnar.
Fyrirliðinn Óskar Örn Hauksson skoraði eina markið og var valinn maður leiksins. Markvörðurinn Beitir Ólafsson stóð undir gælunafninu 'haförninn', Kennie Chopart var frábær í bakverðinum og Arnþór Ingi Kristinsson mikilvægur á miðjunni. Það er svo við hæfi að Rúnar Kristinsson hljóti nafnbótina þjálfari umferðarinnar.
ÍA byrjaði af góðum krafti og vann 3-1 sigur á KA. Óttar Bjarni Guðmundsson var öruggur í vörninni en maður leiksins var Stefán Teitur Þórðarson sem skoraði tvívegis.
Fjölnismenn náðu í 1-1 jafntefli á útivelli gegn bikarmeisturum Víkings. Hans Viktor Guðmundsson fyrirliði Fjölnis fór fyrir Grafarvogsliðinu í leiknum en úrslitin komu mörgum á óvart.
Hilmar Árni Halldórsson skoraði glæsilegt aukaspyrnumark í 2-1 sigri Stjörnunnar á Fylki. Halldór Orri Björnsson er mættur aftur í Garðabæinn og var valinn maður leiksins.
Viktor Karl Einarsson skoraði í 3-0 sigri Breiðabliks gegn Gróttu og var valinn maður leiksins. Þá skoraði Steven Lennon tvö mörk í 3-2 útisigri FH gegn HK í Kórnum.
Athugasemdir