Eiður Aron Sigurbjörnsson (Valur)
Eiður Aron Sigurbjörnsson.
Eiður í baráttunni í sumar.
Valsmenn stigu stórt skref í átt að Íslandsmeistaratitlinum í gær með 1-0 sigri á Breiðabliki. Eiður Aron Sigurbjörnsson var frábær í vörn Vals í leiknum og hann er leikmaður umferðarinnar á Fótbolta.net.
Kristinn Ingi Halldórsson skoraði sigurmarkið á 80. mínútu
Kristinn Ingi Halldórsson skoraði sigurmarkið á 80. mínútu
„Það var hrikalega gott að sjá hann klara þennan leik fyrir okkur," sagði Eiður við Fótbolta.net í dag.
„Mér fannst þetta bara vera á leið í jafntefli en við vildum þetta bara meira. Ég get alveg viðurkennt að ég fór sáttur að sofa í gær."
Eiður Aron hefur smollið mjög vel inn í lið Vals síðan hann kom til félagsins frá Holstein Kiel í vor.
„Þetta hefur gengið mjög vel. Það var auðvelt að komast inn í þennan hóp og verða strax einn af liðinu. Það hefur hjálpað mér inni á vellinum."
Valur hefur ýmist spilað með þrjá eða fjóra varnarmenn undanfarnar vikur. Í gær byrjaði liðið í þriggja manna vörn en fór síðan í fjögurra manna vörn á lokakaflanum. Hvernig líkar Eiði að spila í þriggja manna vörn?
„Ég kann bara vel við það. Við erum með öflugt lið, varnar og sóknarlega. Þetta hefur klárlega sína kosti og galla en við höfum náð góðum tökum á þessu."
Valsmenn þurfa fjögur stig í síðustu fjórum leikjunum til að gulltryggja titilinn. Næsti leikur Vals er gegn KA á fimmtudag en er Eiður farinn að sjá Íslandsmeistaratitilinn í hillingum?
„Það er klárlega þarna í hausnum á mér, ég ætla ekkert að ljúga því. Hlutirnir eru hins vegar fljótir að breytast í fótbolta og við verðum að halda fullum fókus til að klára þetta mót og það byrjar á fimmtudaginn á Akureyri," sagði Eiður að lokum.
Domino's gefur verðlaun
Leikmenn umferðarinnar í Pepsi-deild karla og kvenna fá Pizzu veislur frá Domino's í sumar.
Sjá einnig:
Leikmaður 17. umferðar - Elfar Árni Aðalsteinsson (KA)
Leikmaður 16. umferðar - Einar Karl Ingvarsson (Valur)
Leikmaður 15. umferðar - Geoffrey Castillion (Víkingur R.)
Leikmaður 14. umferðar - Steven Lennon (FH)
Leikmaður 13. umferðar - Andre Bjerregaard (KR)
Leikmaður 12. umferðar - Höskuldur Gunnlaugsson (Breiðablik)
Leikmaður 11. umferðar - Hallgrímur Mar Steingrímsson (KA)
Leikmaður 10. umferðar - Kenan Turudija (Víkingur Ó.)
Leikmaður 9. umferðar - Arnór Sveinn Aðalsteinsson (KR)
Leikmaður 8. umferðar - Haukur Páll Sigurðsson (Valur)
Leikmaður 7. umferðar - Sindri Snær Magnússon (ÍBV)
Leikmaður 6. umferðar - Emil Lyng (KA)
Leikmaður 5. umferðar - Arnar Már Guðjónsson (ÍA)
Leikmaður 4. umferðar - Andri Rúnar Bjarnason (Grindavík)
Leikmaður 3. umferðar - Aleksandar Trninic (KA)
Leikmaður 2. umferðar - Hilmar Árni Halldórsson (Stjarnan)
Leikmaður 1. umferðar - Steven Lennon (FH)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
