Sterkastur í 22. umferð - Rosaleg afmælisvika

Gísli Gottskálk Þórðarson miðjumaður Víkings varð tvítugur á fimmtudaginn, skoraði og lagði upp í 3-0 sigri gegn KR á föstudag og átt svo einnig mjög góðan leik í 6-0 sigri gegn Fylki í kvöld.

Hann er leikmaður 22. umferðar Bestu deildarinnar og þar blöndum við saman sigrunum í Vesturbæ og Árbæ.

„Gísli búinn að vera einn besti leikmaður Víkinga í sumar. Ótrúlega góður í dag á miðsvæðinu og átti þessa sendingu í seinasta markinu sem var ótrúleg," skrifaði Sölvi Haraldsson, fréttamaður Fótbolta.net, í skýrslu eftir leikinn gegn Fylki í kvöld.