Sterkastur í 2. umferð - Framhald á hans tímabili frá því í fyrra

„Hann kláraði sín færi frábærlega í dag og spilaði virkilega vel eins og hann hefur svo sem alltaf gert fyrir okkur þegar að hann hefur verið heill. Þannig að þetta er ekkert sem kemur mér á óvart og bara framhald á hans tímabili frá því í fyrra," sagði Jón Þór Hauksson, þjálfari ÍA, um frammistöðu Viktors.

Viktor var markakóngur Lengjudeildarinnar í fyrra og er staðráðinn í að sýna að hann geti líka raðað inn mörkum í deild þeirra bestu. Var þessi þrenna svar við efasemdarröddum?

„Já vonand, það eru samt 25 leikir eftir af þessu móti en ég veit að það býr í mér markaskorari hvaða deild sem það er. Jón Þór setur leikinn þannig upp og það hefur svo sem sýnt sig í fyrra að þá spilum við þannig leik sem hentar mér mjög vel og ég get sett hann í þessu liði og það sýndi sig í dag," sagði Viktor eftir leikinn.

„Að ná inn þessum þremur mörkum er mjög kærkomið, ég er búinn að vera pínu kaldur í síðustu leikjum og átti þetta svolítið inni."

Sterkustu leikmenn:
1. umferð - Karl Friðleifur Gunnarsson (Víkingur)