Ari Sigurpálsson (Víkingur)
Ari Sigurpálsson skoraði tvö gegn Víkingi.
„Ari er 'special talent' í þessari deild. Hann er hágæðaleikmaður í þessari deild," segir Valur Gunnarsson sérfræðingur Innkastsins en í þættinum var Ari Sigurpálsson valinn Sterkasti leikmaður 3. umferðar, í boði Steypustöðvarinnar.
„Eftir að hafa fengið að spila lítið á síðustu leiktíð steig hann svo sannarlega upp í kvöld. Geggjaður og skoraði tvö stórglæsileg mörk og fékk heiðurdskiptingu. Þú getur ekki beðið um neitt mikið meira í stórleik ársins," skrifaði Sölvi Haraldsson, fréttamaður Fótbolta.net, í skýrslu sinni eftir 4-1 sigur Víkings gegn Breiðabliki í gær.
„Eftir að hafa fengið að spila lítið á síðustu leiktíð steig hann svo sannarlega upp í kvöld. Geggjaður og skoraði tvö stórglæsileg mörk og fékk heiðurdskiptingu. Þú getur ekki beðið um neitt mikið meira í stórleik ársins," skrifaði Sölvi Haraldsson, fréttamaður Fótbolta.net, í skýrslu sinni eftir 4-1 sigur Víkings gegn Breiðabliki í gær.
Ari er 21 árs gamall og hefur mikla hæfileika. Arnar Gunnlaugsson, þjálfari Víkings, hrósaði honum í viðtali eftir leikinn.
„Mér fannst líka mjög gaman að sjá Ara í kvöld. Hann er búinn að þola mikið síðustu eitt til tvö ár. Síðan má ekki gleyma því að hann var einn besti leikmaður íslandsmótsins 2022 og við notuðum hann mjög lítið í fyrra. Hann er frábær leikmaður og drengur. Vonandi er hans meiðslasaga að baki svo hann geti haldið áfram á þessari braut," sagði Arnar.
Ari er með sjálfstraustið í botni eins og kom bersýnilega í ljós í viðtali eftir leikinn.
„Ég veit hverjir styrkleikar mínir eru þegar ég er kominn á vinstri kantinn. Ég er með mikinn hraða á fyrstu metrunum og get komið mér í skotfæri tiltölulega fljótt. Svo er ég er með eitraða hægri löpp. Ég kann þetta," sagði Ari.
Sterkustu leikmenn:
2. umferð - Viktor Jónsson (ÍA)
1. umferð - Karl Friðleifur Gunnarsson (Víkingur)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
