Þrír leikir fara fram í 16-liða úrslitum enska bikarsins í kvöld og er hægt að fylgjast með þeim öllum í beinni útsendingu á Stöð 2 Sport og aukastöðvum.
Sheffield Wednesday tekur á móti Manchester City sem vann deildabikarinn þriðja árið í röð með sigri gegn Aston Villa um helgina.
Á sama tíma eiga lærisveinar Jose Mourinho í Tottenham heimaleik gegn Norwich, botnliði ensku úrvalsdeildarinnar. Leicester tekur þá á móti Birmingham.
Sigurvegarar kvöldsins komast í 8-liða úrslitin ásamt Arsenal, Chelsea, Sheffield United og Newcastle sem unnu leiki sína í gær og fyrradag.
Derby County tekur svo á móti Manchester United annað kvöld.
Leikir kvöldsins:
19:45 Sheffield Wed - Man City (Stöð 2 Sport)
19:45 Tottenham - Norwich (Stöð 2 Sport 2)
19:45 Leicester - Birmingham (Stöð 2 Sport 3)
Athugasemdir