Þórdís Elva Ágústsdóttir og stöllur hennar í Växjö töpuðu fyrir Häcken, 3-0, í sænsku úrvalsdeildinni í kvöld.
Häcken skoraði öll mörkin í fyrri hálfleiknum og varð róðurinn þungur fyrir heimakonur eftir það.
Þórdís Elva byrjaði á bekknum en kom inn á þegar hálftími var eftir af leiknum.
Þetta var aðeins annað tap Växjö í deildinni en það er með níu stig úr fimm leikjum.
Bryndís Arna Níelsdóttir var ekki með Växjö en hún er að jafna sig eftir viðbeinsbrot. Hún verður líklega ekki meira með liðinu í þessum mánuði og er algerlega óvíst hvort hún nái landsliðsverkefninu í lok maí og byrjun júní.
Athugasemdir