Erling Haaland gæti verið kjörinn leikmaður ársins í ensku úrvalsdeildinni annað árið í röð. Þessi norski sóknarmaður Manchester City er einn af þremur skandinavískum leikmönnum sem eru tilnefndir en í morgun voru tilnefningarnar opinberaðar.

Alexander Isak, sænskur sóknarmaður Newcastle, og Martin Ödegaard, norskur miðjumaður Arsenal, eru einnig tilnefndir.

Athygli vekur að spænski miðjumaðurinn Rodri er ekki á listanum. Það er almenningur sem kýs ásamt sérstakri dómnefnd og sigurvegarinn tilkynntur þann 18. maí.

Leikmaður frá Manchester City hefur unnið þessi verðlaun í síðustu fjögur ár. Á undan Haaland voru það Kevin De Bruyne og Ruben Dias sem hlutu þau.

Í morgun var einnig opinberað hverjir eru tilnefndir sem besti stjórinn og besti ungi leikmaðurinn.