Fótbolti.net

Þorsteinn opnar nýjan kafla: Ágætis tímapunktur til að skipta út og gera breytingar

„Vonandi að fólk sjái að maður geti spilað gegn svona leikmönnum“

Ógeðslega erfitt að horfa frá bekknum - „Fannst ég ná að stríða og djöflast í þeim“

Sverrir Ingi um baráttuna við Mateta - „Ógnarsterkur náungi“

Daníel Tristan: Það er miklu erfiðara finnst mér

Stærsta augnablikið á ferlinum til þessa - „Það voru allir trylltir"

Hákon Arnar: Verður áhugavert hvað menn segja núna

Ísak: Höfðum getað vorkennt sjálfum okkur og haldið að þetta væri búið

Elías notaði orð sem Arnar elskar - „Verður líka að kunna það"

Daníel Leó: Þú verður ekki þreyttur þegar það er þannig

Líður vel í Stockport - „Draumur frá því að maður var lítill“

„Aftur sami Eggert Aron sem að fólk þekkir“

Ólafur horfir enn á 2. sæti riðilsins - „Verðum hreinlega að fá þrjú stig“

Bergdís Sveins: Ætlum að koma geggjaðar inn í næsta tímabil

Óli Kristjáns: Vitum alveg hvernig þetta er búið að vera

Einar Guðna: Við þurfum að vinna næsta leik bara 3-2, þá er ég sáttur

Kom liðinu sínu í Meistaradeildina - „Ég er himinn lifandi, vá!”

Jóhannes Karl: Þurfum sigur á móti Víking

Sverrir Ingi: Ótrúleg niðurstaða miðað við leikmyndina

Ísak Bergmann: Það er bara óheyrt

mið 08. maí 2024 21:49

Guðmundur Aðalsteinn Ásgeirsson
Kópavogsvelli

Agla María: Ótrúlega góð kaup hjá Breiðabliki

Agla María fagnar marki í kvöld.

Mynd: Fótbolti.net - Hafliði Breiðfjörð

Agla María í leiknum.

Mynd: Fótbolti.net - Hafliði Breiðfjörð

„Tilfinningin er bara frábær. Það er geggjað að skora svona mörg mörk og fyrri hálfleikurinn var sérstaklega ótrúlega vel spilaður hjá okkur," sagði Agla María Albertsdóttir, leikmaður Breiðabliks, eftir 5-1 sigur á Stjörnunni í Bestu deildinni í kvöld.

Lestu um leikinn: Breiðablik 5 - 1 Stjarnan

Byrjunin á leiknum var ótrúleg og eftir fimm mínútur var staðan orðin 2-1 fyrir Blika.

„Já, þetta var alveg galið. Áslaug Munda fór víst inn að pissa og staðan var allt í einu orðin 2-1 þegar hún kom til baka. Það segir svolítið mikið. Þetta var ótrúlega fljótt að gerast."

„Auðvitað er þetta alveg mikið breytt Stjörnulið en þessir leikir hafa verið mjög jafnir og við gerðum ráð fyrir því áfram. Að sama skapi eru þær kannski aðeins brotnar eftir seinustu leiki en mér fannst við gera þetta frábærlega."

„Það er alltaf gaman að vera í Breiðabliki, en sérstaklega þegar það gengur svona vel. Það er ekki sjálfsagt að vinna svona marga leiki í röð. Þetta er bara geggjað."

Agla María skoraði eitt af mörkum tímabilsins í leiknum með langskoti fyrir utan teig.

„Það var geggjað að skora svona mark upp í samskeytin fjær," sagði Agla María en hún fann það strax að hún hefði smellhitt boltann. „Heldur betur, hann var allan tímann á leiðinni inn."

Breiðablik er með fullt hús stiga eftir fjóra leiki og er á toppi Bestu deildarinnar. Það voru miklar breytingar á liðinu í vetur en þær hafa heldur betur gengið vel upp til þessa.

„Mér finnst við alltaf vera að ná betur og betur saman. Sérstaklega inn á miðjunni. Það er frábært að hafa fengið Heiðu (Ragney Viðarsdóttur) frá Stjörnunni. Ég verð að viðurkenna að ég vissi ekki að hún væri svona ógeðslega góður leikmaður. Það eru ótrúlega góð kaup hjá Breiðabliki að fá Heiðu inn í hópinn. Maður tekur ekki eftir öllu því sem hún er að gera. Hún er mjög mikilvægur leikmaður," segir Agla María.

„Hópurinn er mjög sterkur núna. Það er góð ára í Kópavoginum og ég hef fulla trú á okkur."

Hægt er að sjá allt viðtalið í spilaranum hér að ofan.