Sveindís Jane fagnar bikarmeistaratitlinum með liðsfélögum sínum
Íslenska landsliðskonan Sveindís Jane Jónsdóttir er þýskur bikarmeistari þriðja árið í röð eftir að Wolfsburg vann Bayern München, 2-0, í Íslendingaslag á RheinEnergie-leikvanginum í Köln í dag.
Á dögunum fagnaði Bayern München deildarmeistaratitlinum annað árið í röð og ætlaði Wolfsburg ekki að fara titlalaust í gegnum þetta tímabil.
Wolfsburg hafði unnið bikarinn níu ár í röð og bætti við tíunda titlinum í dag.
Jule Brand kom Wolfsburg yfir á 14. mínútu með skoti fyrir utan teig, en boltinn skoppaði klaufalega yfir markvörð Bayern og í fjærhornið.
Dominique Janssen gerði seinna mark Wolfsburg með skalla undir lok fyrri hálfleiks og þar við sat.
Sveindís Jane kom inn af bekknum á 68. mínútu og fagnaði sínum þriðja bikarmeistaratitli með Wolfsburg frá því hún kom til félagsins fyrir þremur árum. Þetta var þá tíundi bikarmeistaratitill Wolfsburg í röð.
Glódís Perla Viggósdóttir, fyrirliði Bayern, lék allan leikinn í miðri vörn hjá Bayern, en Cecilía Rán Rúnarsdóttir var ekki í hóp. Cecilía byrjaði að æfa á dögunum eftir erfið meiðsli.
Vorbei! ???? ZEHNTER POKALSIEG IN FOLGE!!! ????????????#VfLWolfsburg #VfLWolfsburgFrauen #Wölfinnen #FCBWOB 0:2 pic.twitter.com/la7FOOZt4A
— VfL Wolfsburg Frauen (@VfL_Frauen) May 9, 2024
Athugasemdir
