Símamótið 2021 er komið af stað. Mótið er fyrir 5., 6. og 7. flokk kvenna og eru keppendur um 3000 talsins.
Það er skemmtileg tilbreyting við mótið í ár að liðin sem taka þátt eru öll með sérstakt heiti.
Í staðinn fyrir að nefna liðin 1-2-3 eða A-B-C lið, þá eru þau skýrð í höfuðið á fótboltahetjum. Þau eru skýrð eftir leikmönnum félaga, landsliðskonum eða fyrrum hetjum.
„Frábær leið til að vekja athygli á leikmönnum í kvennaboltanum," skrifar fótboltaþjálfarinn Daði Rafnsson á Twitter.
Þegar litið er yfir liðin sem taka þátt á mótinu má meðal annars sjá lið sem heita Olga Færseth, Elín Metta, Sveindís Jane og Margrét Lára.
Hægt er að renna yfir lista yfir liðin með því að smella hérna.
Allir leikir í mótinu fara fram á völlum á félagssvæði Breiðabliks en hægt er að horfa á mótið í Sjónvarpi Símans.
Instead of naming teams 1-2-3 or A-B-C, the largest girls’ tournament in Iceland had teams name themselves by role model female football players. Could be club or national team players, current or legends.
— Daði Rafnsson (@dadirafnsson) July 9, 2021
Fantastic way to raise awareness of players in women’s football. pic.twitter.com/qFjTT5MHOw
Athugasemdir