Lið og leikmaður 18. umferðar - Njarðvíkingar á sigurbraut

Afturelding heldur toppsæti deildarinnar eftir 3-3 jafntefli í stórleiknum gegn Fylki. Haukur Örn Brink, lánsmaðurinn frá Stjörnunni, skoraði sturlað mark fyrir Aftureldingu, lagði upp og skapaði mikla hættu fyrir vörn Fylkis.

Þróttur hefur verið að misstíga sig og tapaði óvænt 2-1 fyrir Grindavík. Damir Muminovic lék sem kóngur í vörn Grindvíkinga og þá var Ibra Camara, sem kom í glugganum, hrikalega öflugur.

Ólafur Íshólm Ólafsson var frábær í mark Leiknis en það dugði ekki til í Kórnum. HK vann gríðarlega mikilvægan sigur. Karl Ágúst Karlsson skoraði glæsilegt mark fyrir Kópavogsliðið.

Ibrahima Balde skoraði eina markið þegar Vestri vann ÍR 1-0. Guðmundur Arnar Svavarsson átti stoðsendinguna.

Völsungur heldur áfram að berjast af krafti við falldrauginn og vann Ægi 2-0 á útivell í botnslagnum. Þriðji sigur Húsvíkinga í síðustu fjórum leikjum. Dagbjartur Búi Davíðsson skoraði bæði mörk Völsungs og Xabi Cardenas var frábær á miðsvæðinu.

Fyrri úrvalslið:
17. umferð - Birnir Breki Burknason - Leiknir
16. umferð - Aron Snær Ingason - Þróttur
15. umferð - Elfar Árni Aðalsteinsson - Völsungur
14. umferð - Birkir Eyþórsson - Fylkir
13. umferð - Óðinn Bjarkason - Afturelding
12. umferð - Andri Freyr Jónasson - Grótta
11. umferð - Birkir Már Sævarsson - Afturelding
10. umferð - Edson - Vestri
9. umferð - Elfar Árni Aðalsteinsson - Völsungur
8. umferð - Sigurður Egill Lárusson - Þróttur
7. umferð - Andi Hoti - Afturelding
6. umferð - Jordan Adeyemo - Ægir
5. umferð - Mattías Kjeld - Grótta
4. umferð - Svavar Örn Þórðarson - HK
3. umferð - Ibrahima Balde - Vestri
2. umferð - Kári Sigfússon - Fylkir
1. umferð - Stefán Þór Pálsson - ÍR