Rúrik Gíslason og Guðlaugur Victor Pálsson léku allan leikinn í Íslendingaslag í þýsku B-deildinni í dag.

Rúrik byrjaði á hægri kanti hjá Sandhausen og átti hornspyrnuna sem Fabian Schleusener skallaði í netið til að koma heimamönnum yfir eftir 24 mínútur.

Tobias Kempe jafnaði fyrir Darmstadt úr vítaspyrnu tíu mínútum síðar og var staðan jöfn í leikhlé.

Hvorugu liði tókst að skora í jöfnum síðari hálfleik og 1-1 því niðurstaðan. Sandhausen er í fallsæti eftir leikinn, sex stigum eftir Darmstadt.

Guðlaugur Victor var á miðjunni hjá Darmstadt og fékk gult spjald fyrir að brjóta á Rúrik. Markið hjá Sandhausen og brotið má sjá hér fyrir neðan.

Rúrik lagði upp mark Sandhausen á móti Darmstadt í leik sem nú er í gangi í þýsku B-deildinni. pic.twitter.com/AaXwdZUHTF

— Íslendingavaktin (@Islendingavakt) February 15, 2019

Ekkert var gefið eftir í Íslendingslagnum í kvöld. Guðlaugur Victor fékk til að mynda gult spjald í leiknum fyrir að brjóta á Rúrik. pic.twitter.com/jzcsEvXqse

— Íslendingavaktin (@Islendingavakt) February 15, 2019