Mourinho var spjaldaður af Mike Dean, dómara, í síðari hálfleik fyrir að fara upp að varamannabekk Southampton. Hann átti eitthvað ósagt við markvarðarþjálfara Southampton, Andrew Sparks, stuttu eftir að mark var dæmt af Harry Kane vegna rangstöðu.

Eftir leikinn sagði Mourinho: „Gula spjaldið var sanngjarnt vegna þess að ég var dónalegur. En ég var dónalegur við hálfvita."

Eftir tapið í gær er Tottenham í sjötta sæti, en Mourinho varð fyrir áfalli þar sem Harry Kane meiddist og fór heim á hækjum.