Þór mætti Þrótti R. í fyrstu umferð Lengjudeildarinnar fyrr í kvöld. Þórsarar komust yfir úr vítaspyrnu í fyrri hálfleik en fengu svo dramatískt jöfnunarmark á sig á 92' mínútu. Sigurður Heiðar Höskuldsson þjálfari Þórsara mætti í viðtal eftir leik.
Lestu um leikinn: Þróttur R. 1 - 1 Þór
„Svekktir að hafa tapað þessu niður, mér fannst við ekki þurfa að gera það. Leikurinn leysist upp og verður svolítið fram og til baka. Við fengum ótal stöður til að loka þessum leik.
Ég ætla ekki að tala um að þetta sé ósanngjarnt en mér fannst við ekki þurfa að missa þetta niður í 1-1. Mögulega einhver fókusleysi á mikilvægum augnablikum sem fór með okkur. "
„Margt gott í okkar leik, ekki fullkomið en fyrsti leikur og smá spenna en mér fannst við geta unnið þennan leik. "
Lengjudeildin er loksins farin af stað
„Geggjaðar aðstæður hérna hjá Þrótturum, gott lið sem við mætum hérna, gott veður og fengum frábæran stuðning úr stúkunni. Við erum spenntir en mjög svekktir núna en frábært að þetta sé byrjað."
Þórsarar fá Aftureldingu fyrir norðan í næsta leik
„Við þurfum að hrista þetta hratt af okkur og erum spenntir að taka á móti Magga og félögum."
Viðtalið má sjá í heild sinni í spilaranum hér að ofan.
Athugasemdir
