Rakel Hönnudóttir.
Rakel Hönnudóttir, fyrrum landsliðskona, verður mögulega í marki Breiðabliks gegn FH í kvöld. Flosi Eiríksson, formaður knattspyrnudeildar Blika, virðist staðfesta þau tíðindi á samfélagsmiðlinum X.
Landsliðsmarkvörðurinn Telma Ívarsdóttir nefbrotnaði þegar hún lenti í samstuði við liðsfélaga sinn, Jakobínu Hjörvarsdóttur, undir lok leiks gegn Tindastóli síðasta laugardag.
Breiðablik er í raun ekki með varamarkvörð til staðar þessa stundina en sagan segir að félagið hafi reynt að fá fyrrum landsliðsmarkvörðinn Söndru Sigurðardóttir til að spila leikinn gegn FH. Sandra er skráð í Val og það gekk ekki upp.
Rakel er fyrrum landsliðskona en hún hefur ekki spilað mikið í marki á sínum fótboltaferli. Hún var mikið á miðjunni og stundum lék hún fremst.
Rakel spilaði í marki Blika í vetur og hélt hreinu í 4-0 sigri gegn Selfossi. Verkefnið í kvöld kemur til með að vera talsvert erfiðara.
Leikur Breiðabliks og FH hefst klukkan 18:00.
sem er geggjaður markmaður
— Flosi Eiríksson (@FEiriksson) May 2, 2024
Telma Ívarsdóttir.
Sandra Sigurðardóttir.
Athugasemdir
