Bolli Már spáir í 29. umferð ensku úrvalsdeildarinnar

Everton 1 - 2 Burnley (19:30 í kvöld)
Eftir ótrúlegan sigur gegn Newcastle eru þeir bláklæddu saddir og sælir, mæta til leiks gegn Burnley og girða niður um sig.

Bournemouth 1 - 1 Brentford (19:30 í kvöld)
2 lið sem er frekar erfitt að eiga við þegar kemur að því að spá, Brentford eru ekki mikið fyrir jafntefli (4) á meðan Bournemouth elska þau (12). Held að heimaliðið stýri þessu í enn eitt jafnteflið.

Leeds 2 - 0 Sunderland (19:30 í kvöld)
Sunderland farnir að gefa eftir. Kvöldleikur á Elland Road undir ljósunum, sé bara Leeds sigur í þessu.

Wolves 1 - 3 Liverpool (20:15 í kvöld)
Úlfarnir með flottan sigur á föstudaginn en verða jarðtengdir af mínum mönnum. Ekitike skorar 2 í þessum leik, fínt að setja 10 evrur á það.

Brighton 2 - 2 Arsenal (19:30 á morgun)
Arsenal misstígur sig gegn pressulausum Brighton mönnum sem sigla einhvern lygnasta sjó sem sögur fara af. Hellings óskhyggja í þessu en ég held þetta samt sem áður, Brighton mæta vel gíraðir til leiks.

Man City 3 - 1 Nottingham Forest (19:30 á morgun)
City lokar þessu gegn baráttugröðum Forest mönnum. Þetta verður samt ágætlega spennandi.

Fulham 1 - 1 West Ham (19:30 á morgun)
Þessi endar í jafntefli, West ham jafnar á 80. mínútu og liggja á þeim en Fulham siglir stiginu heim.

Aston Villa 1 - 2 Chelsea (19:30 á morgun)
Villa eru að gefa eftir og mér finnst Chelsea eiga inni, held að þeir bláklæddu vinni þennan og Villa stimplar sig hægt en örugglega úr baráttunni.

Newcastle 3 - 1 Man Utd (20:15 á morgun)
United heppnir í síðasta leik en sú heppni dugir ekki undir ljósunum á St. James Park. Newcastle fer ekki að tapa 2 í röð á heimavelli og lokar þessu fagmannlega.

Tottenham 2 - 0 Crystal Palace (20:00 á fimmtudag)
Elsku Tottenham... Guð minn almáttugur hvað þeir eru slakir! En ég trúi því að þetta sé leikur sem þeir vinna, ef þeir vinna ekki eru þeir að biðja um að falla. Ég elska Hjamma og ég elska Andra bróðir minn, þeir eru harðir Tottenham menn - ég legg ekki í það ef illa fer. Koma svo Spurs!!

Fyrri spámenn:
Páll Sævar (7 réttir)
Elliði Snær Viðarsson (6 réttir)
Hinrik Harðarson (6 réttir)
Arnar Laufdal (6 réttir)
Óskar Borgþórs (6 réttir)
Sævar Atli (6 réttir)
Ísak Bergmann (6 réttir)
Ívar Örn (5 réttir)
Brynjar Atli (5 réttir)
Sandra Erlingsdóttir (5 réttir)
Björn Bragi (5 réttir)
Hjammi (5 réttir)
Martin Hermanns (5 réttir)
Kristján Óli (4 réttir)
Baddi Borgars (4 réttir)
Ásgeir Frank (4 réttir)
Viktor Bjarki (4 réttir)
Viktor Gísli (4. réttir)
Nablinn (4 réttir)
Helgi Guðjónsson (4 réttir)
Thelma Karen (4 réttir)
Tumi Þorvars (4 réttir)
Gummi Ben (4 réttir)
Elín Helena (3 réttir)
Siggi Höskulds (3 réttir)
Sérfræðingurinn (2 réttir)
Valgeir Valgeirs (2 réttir)
Óðinn Svan (1 réttur)

Hér fyrir neðan má sjá stigatöfluna í deildinni.