Claudio Ranieri, þjálfari Sampdoria, hafði miklar mætur á Silva þegar hann var við stjórnvölinn hjá Leicester og vildi ólmur fá hann til félagsins. Verðmiðinn sem Sporting setti á hann var þó alltof hár, eða 38 milljónir punda.

Silva fann sig aldrei hjá Leicester og var lánaður til Mónakó þar sem hann spilaði 40 leiki á tveimur árum. Samningur hans við Leicester hefði runnið út á næsta ári og ákvað félagið því að hleypa honum burt frítt til að losna við hann af launaskrá.

Silva á 26 leiki að baki fyrir Portúgal en hefur ekki komið við sögu í landsleik síðan 2018.

Sampdoria þarf að bæta sinn leik til að sleppa við fallbaráttu en liðið er búið að krækja í Antonio Candreva, Balde Diao og Mikkel Damsgaard undanfarnar vikur.