Sami Kamel
Sami Kamel hetja Keflavíkur í bikarsigri gegn Breiðablik í 32 liða úrslitum Mjólkurbikarsins var lítið að flækja hlutina er hann mætti í viðtal við fréttaritara Fótbolta.net að leik loknum og svaraði því til aðspurður um tilfinninguna.
„Frábær bara virkilega góð tilfinning.“
„Frábær bara virkilega góð tilfinning.“
Lestu um leikinn: Keflavík 2 - 1 Breiðablik
Sami sem gerði tvö stórglæsileg mörk í kvöld var að vonum glaður en fann hann á sér fyrir leikinn að eitthvað gott væri í vændum og var orkan í liðinu jákvæð komandi inn í leikinn.?
„Kvöld sem þessi þá getur maður leyft sér að dreyma um að sigra eitt af stóru liðunum. Við þurftum bara að beisla þessa jákvæðu orku og þá geta hlutir eins og þetta gerst.“
Sami sem er á leið í sitt annað tímabil með Keflavík var nokkuð frá vegna meiðsla í fyrra. Hvernig er standið á honum í dag? Er hann á betri stað nú en þá?
„Ég er tilbúnari, ég var í fínu formi í fyrra en ég gerði persónuleg mistök. Nú er ég klárari, í betra formi og tilbúinn í þessa áskorun sem er framundan.“
Lengjudeildin hefst um aðra helgi og lá því beinast við að spyrja Sami hvert Keflavíkurliðið stefndi þar. Er hann viss um að liðið muni berjast um sæti í Bestu deildinni að ári?
„Maður getur aldrei verið viss um neitt í lífinu. Við erum ekki einu sinni viss um morgundaginn heldur þykjumst við bara vera það. En ég býst við því af okkur að við verðum gott lið líkt og við sýndum í dag. Ég ætlast til þess af okkur að við séum samkeppnishæfir í öllum leikjum og að við gerum okkar besta. Að því loknu sjáum við hvar við stöndum. “
Sagði Sami Kamel en viðtalið við hann má sjá hér að ofan.
Athugasemdir
