Hún var léttari brúnin á Haraldi eftir leik í kvöld en á meðfylgjandi mynd
„Það er alltaf gott að vinna fótboltaleiki og í bikarnum þar sem þú ert annað hvort úr leik eða áfram og ég er bara mjög ánægður að við séum í pottinum þegar dregið verður á morgun.“
Sagði Haraldur Freyr Guðmundsson þjálfari Keflavíkur um tilfininnguna eftir 2-1 sigur Keflavíkur á Breiðablik í 32 liða úrslitum Mjólkurbikarsins í kvöld.
Sagði Haraldur Freyr Guðmundsson þjálfari Keflavíkur um tilfininnguna eftir 2-1 sigur Keflavíkur á Breiðablik í 32 liða úrslitum Mjólkurbikarsins í kvöld.
Lestu um leikinn: Keflavík 2 - 1 Breiðablik
Keflavík sem fyrirfram ætlað ætti að vera auðveld bráð fyrir lið eins og Breiðablik sýndi það og sannaði að hver einasti fótboltaleikur á sitt eigið líf og hið óvænta getur gerst. En hvað var það sem Keflavíkurliðið var að gera vel til að verðskulda þennan sigur?
„Við fyrst og fremst vorum duglegir og lögðum leikinn upp þannig að við myndum reyna að verjast vel og beita skyndisóknum sem að tókst. Við skorum tvö frábær mörk frá Sami og svo var það bara vinnusemi. Leikurinn kannski spilast svolítið eins og við vildum og við fengum frábært framlag frá öllum. “
Mörk Sami Kamel voru glæsileg í meira lagi og verður ekki tekið af dananum að hann er góður í fótbolta. Ekki verra fyrir Harald að vera með svona galdramann í liðinu.
„Sami var flottur fyrir okkur í fyrra og er búinn að æfa vel með okkur í vetur. Hann kom fyrr til landsins heldur en í fyrra og hann mun verða góður fyrir okkur í sumar.“
Að lokum fékk Haraldu klassíska spurningu um óskamótherja í 16 liða úrslitum. Líkt og spurningin var svarið klassíkst.
„Bara heimaleik.“
Sagði Haraldur en allt viðtalið má sjá hér að ofan.
