Chelsea virðist vera búið að ganga frá félagaskiptum Timo Werner frá RB Leipzig en framherjinn er gríðarlega eftirsóttur af knattspyrnufélögum víða um Evrópu.
Þýski miðillinn Kicker greinir frá því að B-deildarlið Stuttgart fær allt að 6 milljónir evra þegar Werner verður seldur frá Leipzig. Það er vegna ákvæðis í kaupsamningnum þegar Leipzig keypti hann frá Stuttgart 2016.
Stuttgart er í öðru sæti þýsku B-deildarinnar og stefnir á að komast aftur upp í deild þeirra bestu sem fyrst.
Félagið er þekkt fyrir að finna og búa til hágæðaleikmenn en hefur misst menn á borð við Serge Gnabry, Joshua Kimmich, Benjamin Pavard, Antonio Rüdiger, Bernd Leno og Sami Khedira frá sér í gegnum tíðina.
Athugasemdir