Franski íþróttafjölmiðillinn L’Équipe segir frá því að Paris Saint-Germain hafi gert Kylian Mbappe að gangast undir skoðun til að komast að því hvort að hann sé með kórónuveiruna.
Mbappe hefur misst af æfingum síðustu tvo daga út af hálsbólgu og hita. Mbappe er sagður tæpur fyrir mikilvægan leik gegn Dortmund í Meistaradeildinni á morgun.
Niðurstaðan á að liggja fyrir í kvöld eða á morgun, en ólíklegt þykir að Mbappe sé með veiruna.
Á þessum tímapunkti vonast PSG til þess að hinn 21 árs gamli Mbappe spili gegn Dortmund á morgun. Leikurinn, sem fer fram í París annað kvöld, verður spilaður fyrir luktum dyrum til að minnka smithættu vegna kórónuveirunnar.
BREAKING: Kylian Mbappé has been tested for coronavirus. He will get the results tomorrow, but early signs are that he has not contracted the virus. (Source: L'Equipe) pic.twitter.com/Irl1OPMQiH
— Transfer News Live (@DeadlineDayLive) March 10, 2020
Athugasemdir