Paul Pogba, Alexandre Lacazette og Ansu Fati eru á meðal þeirra sem koma fram í nýjasta slúðurpakka BBC.

Real Madrid er sannfært um að félagið geti fengið Paul Pogba til sín frá Manchester United næsta sumar. (Mundo Deportivo)

Everton ætlar að reyna aftur við miðjumanninn Ainsley Maitland-Niles í janúar en hann er samningsbundinn Arsenal. (ESPN)

Alexandre Lacazette gæti verið á förum frá Arsenal eftir að hafa heyrt af því að félagið reyndi að fá Tammy Abraham frá Chelsea í sumarglugganum. (Mirror)

Jorge Mendes, umboðsmaður Ansu Fati, leikmanns Barcelona hefur boðið mörgum evrópskum liðum að kaupa vængmanninn. Manchester City er á meðal þeirra liða. (El Nacional)

Tottenham og Chelsea munu berjast um Jurrien Timber, efnilegan tvítugan leikmann Ajax. (90min)

Graham Potter, stjóri Brighton, og Thomas Frank, stjóri Brentford, eru mögulegir arftakar Mikel Arteta hjá Arsenal en hann er undir mikilli pressu. (TeamTalk)

David Luiz, fyrrum leikmaður Chelsea og Arsenal, hefur náð samkomulagi við Flamengo um að ganga í raðir félagsins. (Fabrizio Romano)

Jurgen Klopp, stjóri Liverpool, reyndi að fá Patrick Bamford, framherja Leeds, í sumarglugganum. (Express)

Antonio Rudiger, varnarmaður Chelsea, er að bíða með það að skrifa undir nýjan samning við félagið. Hann verður samningslaus næsta sumar. (Sport1)

Barcelona gæti reynt við Renan Lodi, 23 ára gamlan bakvörð Atletico Madrid, til að taka við af Jordi Alba sem er orðinn 32 ára gamall. (Todo Fichajes)