Romelu Lukaku hefur einungis verið einu sinni í byrjunarliði Manchester United síðan að Ole Gunnar Solskjær tók við liðinu í desember.
Þrátt fyrir að hafa þurft að þola bekkjarsetuna segir Solskjær að Lukaku sé mikilvægur leikmaður í liðinu.
„Hann er stór hluti liðsins, frábær persónuleiki. Það skorar enginn jafn mörg mörk og Lukaku á æfingum,“ segir Solskjær um Belgann.
„Það hafa þrír sóknarmenn verið að byrja flesta leikina og þeir hafa allir staðið sig vel. Síðan er ég með Lukaku, Mata og Sanchez á bekknum. Ég er með sex góða sóknarmenn og þeir munu allir fá fullt af mínútum.“
„Þegar ég spilaði með liðinu vorum við fjórir framherjar en einungis tveir í byrjunarliði. Núna eru þeir sex og við getum spilað með þrjá.“
Manchester United mætir Brighton klukkan 15:00 í dag en leikurinn er í beinni útsendingu á Stöð 2 Sport.
Athugasemdir