Senegal 0 - 1 Alsír
0-1 Baghdad Bounedjah ('2)
0-1 Baghdad Bounedjah ('2)
Alsír hafði betur gegn Senegal þegar liðin mættust í úrslitaleik Afríkukeppninnar í Kaíró í kvöld.
Alsír náði forystunni eftir aðeins tvær mínútur þegar sóknarmaðurinn Baghdad Bounedjah skoraði. Það er alveg hægt að viðurkenna það að það var örlítill heppnisstimpill yfir markinu.
GOAAAAAL BAGHDAD BOUNEDJAH ! pic.twitter.com/9NdUMUF5Kv
— Walid Bylka Videos (@bylka613_vids) July 19, 2019
Samkvæmt tölfræði í textalýsingu BBC var þetta eina skotið sem Alsír átti í leiknum. Senegal stjórnaði ferðinni en náði ekki að nýta sér það til fulls.
Eftir rúman klukkutíma dæmdi dómarinn vítaspyrnu þar sem hann taldi að leikmaður Alsír hefði fengið boltann í höndina. Eftir að hafa skoðað atvikið betur ákvað hann að ekki væri um vítaspyrnu að ræða.
Alsír varðist vel og náði að landa sigrinum. Ekki skemmtilegasti fótboltaleikur sögunnar.
Þetta er í annað sinn sem Alsír vinnur keppnina. Það gerðist síðast 1990. Senegal átti möguleika á að vinna keppnina í fyrsta sinn.
Athugasemdir