„Ég hata landsleikjahlé," sagði Jurgen Klopp, stjóri Liverpool, á blaðamannafundi fyrir leik Liverpool og Arsenal sem fram fer á morgun. Klopp svaraði neitandi þegar hann var spurður hvort þetta landsleikjahlé hefði komið á góðum tíma. „Nei, ég hefði viljað spila helgina eftir tapið gegn West Ham."
Tveggja vikna hlé hefur verið á deildarkeppnum í Evrópu þar sem lokaleikir undankeppni HM hjá landsliðum Evrópu fóru fram á þeim tíma.
Tveggja vikna hlé hefur verið á deildarkeppnum í Evrópu þar sem lokaleikir undankeppni HM hjá landsliðum Evrópu fóru fram á þeim tíma.
Líklegt er að margir taki undir þessi orð Klopp, sérstaklega eftir slæmt gengi Íslands í undankeppninni.
„Það hjálpaði okkur ekki þegar kemur að meiðslum í hópnum." sagði Klopp.
Jordan Henderson, Andy Robertson, Divock Origi og Sadio Mane voru allir sendir fyrr heim úr landsleikjahlénu vegna meiðsla.
„Henderson og Robertson hafa ekki æft með liðinu ennþá, þeir hafa verið í endurhæfingu og endurheimt. Það verður tekin mjög síðbúin ákvörðun um hvort þeir spili á morgun."
Klopp segir að Mane sé klár og hann vonar að Fabinho geti æft í dag.
Athugasemdir
